Sot hapet edicioni i tetë i REDO konferencës ndërkombëtare të dizajnit grafik në Kino Armata nga ora 17:00. Në hapje do të ketë kombinim të ligjerates, librarisë lëvizëse, bar-it të përkohëshëm, filmave, dhe muzikës. Hyrja do të jetë me biletë që vlenë për të gjitha aktivitete gjatë 3 ditëve.

Në Prishtinë tani jane vendosur gati 250 studentë të huaj që do të ndjekin konferencën, duke ndihmuar në rritjen e turistave që e vizitojnë Prishtinën. Këtë herë, vërehet edhe një interesim mjaft i madh nga studentët vendore për të ndjekur aktivitete e REDO-së.

Daniela e Linda Dostalkova nga Çekia dhe Benjamin Thorel e Antonia Carrara nga Franca, do të ligjerojne nga 17:00 – 19:30 mbi tema të fushave të tyre. Gjatë gjithë kohës do të ketë një librari me libra të ndryshëm mbi dizajnin – të udhehequr nga After 8 Books, dhe poashtu do të ketë edhe mundësi që të dëgjohen disa transmetime nga podcast të Ja Ja Ja Ne Ne Nee (Holandë). Ndersa, Kimberley Cosmilla & Marcel Mrejen do të hapin barin e tyre “Moonshine Monday”, një koncept të ri të bar-it shoqëror. Ndërsa në mbrëmje, duke filluar nga 21:00, Alushi do të lëshojë muzikë në Hamam Jazz Bar.

REDO në edicionin e shtatë mbështetet nga Komuna e Prishtinës, Ministria e Kulturës, Rinisë dhe Sportit, Fondacioni “Unë e Du Kosovën”, Culture for Change – Programi i Zyrës së BE në Prishtinë, që implementohet nga Qendra Multimedia dhe Goethe Institut, Ambasada e Holandës në Prishtinë, Swiss Arts Council Pro Helvetia, Ambasada e Francës në Kosovë. Partnerët: Kino Armata, Biblioteka Kombëtare e Kosovës, Kosovo Architecture Foundation (KAF).

Konferenca REDO është një ngjarje treditore në lëvizje që bashkon dizajnerët nga e gjithë bota të kontribojnë në krijimin e diskursit rreth çështjeve dhe praktikave aktuale të dizajnit grafik. Përmes një serie diskutimesh, punëtorive, librarisë dhe udhërrëfimeve në qytet, REDO ofron mundësi që dizajnerët të bëhen bashkë në dhe përreth qytetit të Prishtinës. / KultPlus.com