Kryeministri i Shqipërisë – Edi Rama, e ka nisur ditën me një lajm teksa ka ndarë me ndjekësit e tij në Facebook artikullin e revistës britanike e cila e renditë Shqipërinë të parën ndër vendet që duhen vizituar.

“Mirëmëngjesi dhe me këtë artikull të revistës britanike ‘EveningStandard’ që e renditë Shqipërinë të parën në 12 vendet që duhen vizituar sa më parë, ju uroj një fundjavë të qetë”, shkruan Rama.

Në raportin më të fundit të konkurrueshmërisë së turizmit në Forumin Ekonomik Botëror, sipas prestigjiozes britanike, u analizuan 136 vende për aftësinë e tyre për të qenë një destinacion i mirë turistik.

“Shqipëria u ngrit për tetë vende në raportin më të fundit, që do të thotë se është një destinacion emocionues për turistët. Ndërsa gjersa jeni aty sigurohuni që do të vizitoni Rivierën Shqiptare dhe Gjirokastrën, ‘qytetin e gurit’ dhe vendet tjera atraktive”, thuhet në artikullin i cili krah Shqipërisë radhitë Japoninë, Gabon, Indinë, Perunë, Vietnamin, Meksikën, Algjerinë dhe disa shtete tjera. / KultPlus.com