“Është ende një vend i panjohur për turistët, një parajsë e fshehtë përballë Italisë, e mbërthyer midis Greqisë dhe Malit të Zi, është Shqipëria!”, kështu nis reportazhi dedikuar turizmit në Shqipëri të cilin e ka realizuar TV France2, shkruan KultPlus.

Ky reportazh është transmetuar mbrëmë në ora 20:00 në televizionin francez, duke arritur një rekord shikueshmërie prej 8 milionë.

Me këtë lajm të bukur e ka nisur ditën edhe kryeministri i Shqipërisë Edi Rama. Ai ka shpërndarë videon në Facebook dhe është shprehur i lumtur për këtë promovim që po i bëhet Shqipërisë.

“Mirëmëngjesi dhe ju uroj një ditë të mbarë me këtë reportazh të bukur për turizmin e Shqipërisë, transmetuar në edicionin e orës 20:00 në TV France2 duke arritur edhe një rekord shikueshmërie prej 8 milionë qytetarësh francezë”, ka shkruar Rama.

Për më tepër ndiqeni videon në vazhdim./ KultPlus.com