Në Urën e Golikut, Pogradec specialistët e Institutit të Monumenteve të Kulturës, së shpejti fillojnë fazën e parë të restaurimit.

Ura e Golikut në rrethin e Pogradecit, një vepër e rrallë inxhinierike, merret në mbrojtje nga Instituti i Monumenteve të Kulturës, ndërsa shumë shpejt, priten ndërhyrje strukturore dhe disiplinuese për prurjet e ujit që rrezikojnë këtë urë me vlera historike dhe arkitekturore.

Gjergji Koki, drejtor i Drejtorisë rajonale të kulturës kombëtare, bën të ditur se specialistë të IMK kanë parë nga afër gjendjen e urës së Golikut dhe mundësitë e mbrojtjes së saj. “Së bashku me specialistët e IKM, për të filluar shumë shpejt fazën e parë të ndërhyrjeve strukturore dhe disiplinimin e prurjeve të ujit”, thotë ai, raporton a.t.a

Ura e Golikut në lumin Shkumbin, pjesë e rrugës Egnatia, vlerësohet si një atraksion turistik për të apasionuarit e trashëgimisë kulturore.

Ura ndodhet në zonën e Mokrës, reth 40 km larg qytetit të Pogradecit. Ajo është ndërtuar në periudhën e pushtimit romak. Ka një gjatësi 17 metra, gjërësi 3 metra dhe 10 metra lartësi. Me statusin monument kulture i kategorisë së parë, Ura e Golikut ka pësuar dëmtime të shpeshta nga faktorë njerëzorë dhe natyrorë, që pas shekullit XVII kur u ndërtua. /KultPlus.com