Vasfije Krasniqi Goodman u bë një ndër gratë e rralla që foli për dhunimin e saj nga ana e serbëve në luftën e fundit në Kosovë.

Para pak muajsh, Vasfija i tregoi shqiptarëve por edhe tërë botës se ajo u dhunua, por nuk do të ndalet asnjëherë duke ngritur zërin për viktimat e dhunës seksuale në luftë.

Balkan Insight – një media ballkanase, e ka vënë Vasfijen në listën e heronjve të vitit, atyre që zgjuan debat dhe i dhanë kuptim tjetër çështjes e kauzës për të cilën ata po ndihmojnë.

HERONJTË E BALLKANIT është lista edhe me personazhe të tjera që ky medium i vlerëson për kontributin e dhënë.

Vasfija ishte e dhunuar gjatë luftës në Kosovë, kur ishte vetëm 16 vjeç. Këtë vit, Gjykata Speciale e ka rimarrë në dorë rastin e Vasfijes dhe dhunuesve të saj. / KultPlus.com