Përgjatë inspektimit të fundit në objekt ishte i pranishëm edhe Profesor Pirro Thomo, specialist i trashëgimisë kulturore, i cili ofroi konsulencën e tij rreth ndërhyrjeve të aplikuara në monument.

Projekti i hartuar nga specialistët e Institutit të Monumenteve të Kulturës dhe financuar nga Bashkia Roskovec konsiston në restaurimin e plotë të Kishës së Shën Kollit, monument kulture i kategorisë së I-rë.

Kisha e Shën Kollit përbën një pasuri të vyer për zonën e Kurjanit por edhe për të gjithë zonën e Myzeqesë, shkruan Instituti i Monumenteve të Kulturës./ KultPlus.com