Në moshën 100 vjeçare, kjo grua gjermane ka nisur karrierën e saj politike, pasi u zgjodh këshilltare lokale në qytetin e saj perëndimor ditën e diel.

Lisel Heise, pjesë e grupit ‘Wir fur kibo’ ka fituar më së shumti vota në garën për zgjedhje lokale in Kirchheimbolanden, një qytet prej tetë mijë banorësh.

Zgjedhja e saj ishte paksa kontradiktore edhe me fushatën e partisë së saj, e cila fokusohej në zhvillim të qëndrueshëm, pjesëmarrje të qytetarëve dhe angazhim të të rinjve.

Në një deklaratë dhënë CNN, kreu i partisë së saj ka thënë se ajo është e fortë mentalisht dhe fizikisht për ta kryer këtë punë.

“Lise Heise ka mbushur 100 vjet në prill dhe ka vendosur të garojë për Këshill pranverën e këtij viti. Në listën prej 20 kandidatësh, ajo ka dalë e para”, ka thënë ai.

Heise, një ish-mësuese dhe notuese në pension, një pjesë të fushatës së saj e ka zhvilluar me premtimin për rihapje të pishinave në natyrë.