Ministri i Ekonomisë, Kulturës dhe Inovacionit, Blendi Gonxhja shprehu sot mirënjohjen ndaj piktorit Skënder Kamberi, i cili feston 85 vjetorin e lindjes.

“Një jetë e dedikuar artit, e mbushur me penelata e plot ngjyra, sot Skënder Kamberi feston 85-vjetorin e tij të lindjes”, shkruan Gonxhja në urimin e tij.

“Në këtë ditë të veçantë, shprehim mirënjohjen tonë për kontributin e një prej piktorëve më të rëndësishëm shqiptarë, në veprat e të cilit spikasin vlerat, dashuria për artin, njerëzit dhe qytetin e tij të dashur, Vlorën”, theksoi Gonxhja

“Galeria Kombëtare e Arteve në koleksionin e saj mban disa punime të Skënder Kamberit, arti i të cilit kapërceu kufijtë shtetërorë. Ka hapur një sërë ekspozitash në Egjipt, Francë, Angli, Turqi, Itali, Greqi etj”, nënvizoi ministri Gonxhja./atsh/KultPlus.com